ტაპიოკა სახამებელი 400გ Tapioca Starch, 400G

ინგრედიენტები: ტაპიოკა (მანიოკის სახამებელი) * 100% (* დამოწმებული ორგანული).

კვებითი ღირებულება 100 გრ-ში: ენერგეტიკული ღირებულება – 1507 კჯ / 355 კკალ ცხიმი – 0.02 გ გაჯერებული ცხიმოვანი მჟავები – 0 გ ნახშირწყლები – 88 გ მათ შორის  შაქარი – 3.4 გ ცილა – 0.2 გ მარილი – 0 გ.

შენახვის პირობები: შეინახეთ გრილ და მშრალ ადგილას.

გლუტენის გარეშე. ვეგანური.

ტაპიოკას ჩაი ” bubble tea ” ან ” boba tea ” არის გამაგრილებელი ტაივანური სასმელი, რომელმაც დიდი პოპულარობა მოიპოვა მთელ მსოფლიოში. მიუხედავად იმისა, რომ ეს საკმაოდ ახალგაზრდა სასმელია. ნებისმიერი ტრადიციული კერძის მსგავსად, ჩაის მომზადების მრავალი ვარიაცია აქვს.

ტაპიოკა არის მარცვლოვანი  პროდუქტის სახამებელი, რომელიც მიიღება კასავას ფესვებისგან, ბუჩქისგან, რომელიც იზრდება ტროპიკულ ქვეყნებში.

ახლა ჩვენ გასწავლით თუ როგორ უნდა მოამზადოთ ტაპიკოას სახამებლის კრისტალები სახლის პირობებში.

 ამ კრისტალებს ამატებენ ადუღებულ და  გაგრილებულ მწვანე ჩაიში (oolong ჯიშის, ან ჟასმინი, შესანიშნავია უფრო ტრადიციული გემოთი). ასევე ტაპიოკას კრისტალები  შეგიძლიათ დაამატოთ მცენარეულ რძეში და დაატკბოთ ნეკერჩხლის სიროფით. შეგიძლიათ დაამატოთ ყინულიან ყავას, ცივ კაკაოს, ან თუნდაც მატჩა–ლატეს.

 ტაპიოკას კრისტალების საწრუპებით წრუპვა გაგამხიარულებთ; კონსისტენციით ისინი ჰგავს მარმელადს, ამიტომ ბავშვებს განსაკუთრებით მოსწონთ.

ე.ი.  რეცეპტი:

1 ჭიქა მდუღარე წყალი

1 ჭიქა ლერწმის შაქარი

2 -2 1/2 ჭიქა ტაპიოკას სახამებელი

1. დასაწყისში აუცილებელია შაქარი გახსნათ ადუღებულ წყალში.
2. დაამატეთ ტაპიოკას სახამებელი, ურიეთ სანამ კარგად არ გაიხსნება.
3. დადგით დაბალ ცეცხლზე და მუდმივად აურიეთ, სანამ ეს მასა გახდება ცომივით.
4. ცომი სუფთა ზედაპირზე მოათავსეთ და კარგად მოზილეთ, სანამ ის ძალიან პლასტიკური გახდება
5. ცომისგან დაამზადეთ 1სმ დიამეტრის ბურთულები.
6. მზა ბურთებს მოაყარეთ ცოტა ტაპიოკას სახამებელი და შეგიძლიათ შეინახოთ ჰერმეტულ კონტეინერში შემდგომი გამოყენებისთვის.

Life hack: ასევე შეეცადეთ კრისტალების უფრო უვნებელი ვერსია გააკეთოთ შაქრის გარეშე, ან გამოიყენეთ ერითრიტოლი!

როგორ მოვამზადოთ ტაპიოკას კრისტალები?

1. მდუღარე წყალში (დაახლოებით 1 ლიტრი) ჩადეთ საჭირო ბურთების რაოდენობა. ხარშეთ, დაბალ ცეცხლზე და ურიეთ, დაახლოებით 30 წუთის განმავლობაში.
2. შემდეგ, დაახურეთ სახურავი, გამორთეთ ცეცხლი და დატოვეთ ამ მდგომარეობაში კიდევ 15 წუთით. ახადეთ და შეამოწმეთ – თუ ბურთები გამუქდა, მაშინ ისინი მზად არის. თუ ბურთების ფერი არ შეცვლილა, მოხარშეთ ტაპიოკა კიდევ 10-15 წუთით.
3. შემდეგ სწრაფად ჩაყარეთ საწურში და დაასხით ცივი წყალი, რომ შეაჩეროთ გაფუება.
4. დაამატეთ წინასწარ მომზადებულ ცივ სასმელს.

ტრადიციულად, სასმელს მიირთმევენ გაცივებული ტკბილი შავი ჩაით, რძით და ყინულით.

ჩვენ გირჩევთ ამ ჩაის უფრო ჯანმრთელ ვერსიას. მოზრდილებისთვის – გაგრილებული მატჩა ლატე ქოქოსის რძით.

ბავშვებისთვის – გაგრილებილი კაკაო მცენარეულ რძეში, ნეკერჩხლის ან ფინიკის სიროფის დანამატით.

გახსოვდეთ, ტაპიოკას კრისტალები,  მიუხედავად იმისა, რომ სასმელების ეგზოტიკური დანამატია, ის საკმაოდ მაღალკალორიული პროდუქტია (358 კკალ 100 გ).

ტაპიოკა სასარგებლოა იმით, რომ მასში პრაქტიკულად არ არის ცხიმი, არ შეიცავს გლუტენს, რის გამოც იგი შესაფერისია ბავშვთა საკვებისა და გლუტენის აუტანლობის მქონე ადამიანებისთვის.

 ტაპიოკას ფქვილი ასევე გამოიყენება როგორც გამასქელებელი საწებელში, გამჭვირვალე ჭიქურებში და ხილის დესერტებში.