კეთილი იყოს თქვენი მობრძანება საიტზე „ორგანიკა“!

პროექტი „ორგანიკა“ შექმნილი იყო ჩემს მიერ როგორც სოციალური პროექტი, რომლის მიზანია – ჯანსაღი ცხოვრების წესის პროპაგანდა.

ერთხელ, 4 წლის (2016)  წინ შემხვდა სტატია „როგორ დავაღწიოთ თავი დემენციას“, და ამ სტატიის დახმარებით ბევრი რამ გადავიაზრე. სწორედ ეს სტატია გახდა გადაფიქრების წერტილი…მისი წაკითხვის შემდეგ კითხვები აგრძელებდა დაბადებას ჩემს თავში ისევ და ისევ, როგორც თოვლის გუნდა…

ვუყურებ ჩემს ირგვლივ მოხუცებულებს და სულ უფრო მთრგუნავს მათი უსუსური სიბერე.

დარწმუნებული ვარ, რომ “სიბერე – არ არის სასიხარულო” – ყველაზე უაზრო ცხოვრებისეული სტერეოტიპია.

ის, თუ როგორი იქნება შენი ცხოვრება სიბერეში – შენი დღევანდელი მიღწევების შედეგია, საკუთარ ჯანმრთელობაზე ზრუნვის შედეგია, საკუთარი თავისადმი სიყვარულის შედეგია. და პირველ ადგილს აქ იკავებს ცხოვრების წესი, კერძოდ კი, კვება.

სამწუხაროდ, საქართველოში, ისევე, როგორც ბევრ სხვა ქვეყანაში, არ არსებობს კვების კულტურა. დიახ, ქართული სამზარეულო ერთ-ერთი ყველაზე გემრიელი სამზარეულოა მსოფლიოში – მაგრამ სასარგებლო თუ არის? არ უპასუხოთ ამ კითხვას, უბრალოდ შეხედეთ მსუქან ხალხს ქუჩაში, რიგებს აბსოლუტურად ყველა პოლიკლინიკაში… ჩემი ღრმა დარწნუბებით, ჯანსაღი ცხოვრების წესის საფუძველს სკოლის სკამიდან უნდა ასწავლიდნენ. თუ არსებობს ექიმის პროფესია, რომელიც კურნავს ავადმყოფს, რატომ არ არსებობს მასწავლებლის პროფესია, რომელიც ასწავლის თუ როგორ უნდა იყო ჯანმრთელი? დიახ, როგორც ჩანს… ჯანმრთელ ადამიანზე ბევრ ფულს ვერ გააკეთებ, ალბათ, პასუხს აქ უნდა ვეძებდეთ…

სწორედ ჯანსაღი ცხოვრების წესის და ჯანსაღი კვების პორპაგანდა არის ჯანმრთელი და ბედნიერი ერის საფუძველი. სწორედ კვება წარმოადგენს ყოველდღიურ საწვავს ჩვენი ორგანიზმისათვის, ეს არის ჩვენი ჯანმრთელობის ფუძე, სასიცოხლო ენერგიისა და დღეგრძელობის წყარო.

ჩემს სტატიებში ვცდილობ მარტივი და გასაგები ენით ავხსნა არა მხოლოდ ცხოვრების ჯანსაღი წესის პრინციპები, არამედ მივცე მეცნიერული განმარტება ისეთ, პირველი შეხედვით, რთულ ცნებებს, როგორიცაა პროდუქტების გლიკემიური ინდექსი, ინსულინის და ჰორმონების, ქოლესტერინის, მჟავა- ტუტოვანი ბალანსის როლი, სასარგებლო ცხიმები და მათი ბალანსი, ვიტამინების როლი და ურთიერთკავშირი და ბევრი სხვა.

მე მინდა, რომ ჩემმა ბავშვებმა წაიკითხონ ეს სტატიები, რომ ახლო ადამიანები, მათი წაკითხვის შემდეგ, დაფიქრდნენ საკუთარ ჩვევებზე კვებაში…

მე არ ვარ რომელიმე დიეტის მომხრე, ეს არის თითოეული ადამიანის არჩევანი… ვეგეტარიანიზმი და უმი ჭამის მიმდევრობა შეიძლება იყოს სრულფასოვანი კვება, მაგრამ შეიძლება მოგაყენოთ ზიანი არანაკლებ, ვიდრე ტრადიციულმა კვებამ, თუ მიუდგებით მას გაუაზრებლად და ქაოტურად, თუ არ დაიცავთ დაბალნსებული კვების საფუძველს ცილების, ცხიმების, ნახშირწყლების, მინერალებისა და ვიტამინების თანაფარდობას.

და ერთპიროვნულად, ჯობია დახარჯოთ დრო ჯანსაღი რაციონისა და ჯანსაღი ცხოვრების წესის პრინციპების შესწავლაზე, ვიდრე მომავალში დახარჯოთ ის წამლების შესწავლაზე, ექიმებთან რიგებში დგომაზე და წუწუნზე შვილიშვილებთან, რომ ყველაფერი გტკივათ და სიბერე არ არის სასიხარულო…

თქვენი ჯანმრთელობა – თქვენი არჩევანია. ცხოვრება ერთია!

ანნა დიაგილევა,

CEO & Founder